Xuseen Bisad: “Dadkeenna Qurbe-joogta ahi waa inaynnu caawinnaa Dadkeenna Dhimirka ka xanuunsanaya”fikrad wax ku ool ahna waxa lagu ciseeyaa waxay soo kordhiyeen,waxaana lagu xurmeeyaa waxay curiyaan, taasaa keenta in da’aada ka dambaysaana ku dhiirato unkida fikradaha cusub iyo aragtiyaha tolmoon ee bulsho ku tisqaado, inagga se xaalkeenu waa taa rogaalkeeda, waxaynu kala nahay laba caalam, waxaynu isku nahay gun iyo baar, dhexdeena qofka wax soo kordhiya waxba looma arko, abaalna looma hayo ajjar Rabbi se u maqan, amaan kuma laha af lagaado loo helee, mahad looma naqo maamuus ha joogee, xusuus looma galo xusidi ha dambaysee.
Ma hiigsado inaan wax soo kordhiyo, ma himileeyo inaan wax unko, mana hawaawiyo inaan wax curiyo, oo maxaan ugali hawshaa? Kuwii hore ee guusha dhaliyay ma cidbaa taqaan ma cidbaa sharafta, ma cidbaa se xusuusanba, midda kale hadaan wax cusub abuuro ma cidbaa iga hoos qaadaysa. Oo maxaa lagaaga dhagaysan waayay miyaanay horumar iyo horukac toona jeclayn dadkaagu? Miyaanay maskax uguba inay tuujistaan kuba tala galin? Miyaanay dadkaagu dadkooda ku faanin? Maya umaba weecaal hayaan, dharaar dhawaydbay ahayd markii dhagahaygu maqlayeen mid ku hadaaqayey:
Dimaaqayga ma daaliyo
Dad kaloo wax keenana
Doc-warenka waxoodiyo
Deedifaynta warkoodaan
Kuba diirsadaa kow,
Daaha inaan saarana
Darajaan ku helaa.
Oo abidkayo ma sidaasaanu ahaanaynaa? Haa hadii aad doontaa, hadii kale se waxaa iman dharaar qofka lagu karaameeyo wuxuu soo kordhiyo, waxa iman maalin cid kasta oo beerta aragtiyo iyo aqoon wax ku ool ahba loo gudo abaalkay gasho. Oo waa goorma? Ma dhawa mana dheera, waa markaad cidii sidkeedu go’ay ka umulisaan, inta irmaanna lisataan, waa markaad cidii dararta maashaan, cidii gaagaxdana aad godlisaan idinka oo aan shuruud kale ku xidhayn shubah kalena galinayn.
Qalinkii: Saddam Xussen Carab
© Weedhsan Corporation
